Britaniýanyň “Financial Times” web sahypasynyň 14-nji maýda ýazmagyna görä, Orsýet-Ukraina çaknyşygyndan öň Mariupolyň Azow polat zawody iri eksportçy bolupdyr we onuň polaty Londondaky “Shard” ýaly möhüm binalarda ulanylypdyr. Häzirki wagtda yzygiderli bombalanýan ägirt uly senagat toplumy şäheriň ukrain söweşijileriniň elinde galan iň soňky bölegidir.
Şeýle-de bolsa, polat önümçiligi öňküden has pes we käbir eksportlar dikeldilen hem bolsa, port işleriniň bökdençlikleri we ýurduň demir ýol ulgamyna Orsýetiň raketa hüjümi ýaly çynlakaý ulag kynçylyklary hem bar.
Hasabatda aýdylyşy ýaly, üpjünçiligiň azalmagy Ýewropada duýuldy. Orsýet hem, Ukraina hem dünýäde esasy polat eksportçylarydyr. Senagat söwda topary bolan Ýewropa Polat Senagaty Konfederasiýasynyň maglumatlaryna görä, uruşdan öň iki ýurt bilelikde ÝB-niň taýýar polat importynyň takmynan 20 prosentini düzýärdi.
Ýewropanyň köp polat öndürijileri metallurgiýa kömür we demir magdany ýaly çig mal üçin Ukraina bil baglaýarlar.
Londonda hasaba alnan Ukrainanyň "Fira Expo" magdan kompaniýasy demir magdanynyň esasy eksportçysydyr. Beýleki önümçilik kompaniýalary kompaniýanyň gurluşyk taslamalarynda betony berkitmek üçin ulanylýan tekiz polat böleklerini, ýarym taýýar tekiz polatlaryny we armaturalaryny import edýärler.
“Mite Investment Group” kompaniýasynyň baş direktory Ýuriý Ryženkow kompaniýanyň önümçiliginiň takmynan 50 göterimini adatça Ýewropa Bileleşigine we Beýik Britaniýa eksport edýändigini aýtdy. “Bu, esasanam Italiýa we Beýik Britaniýa ýaly ýurtlar üçin uly mesele. Olaryň ýarym taýýar önümleriniň köpüsi Ukrainadan gelýär” diýip, ol aýtdy.
Ýewropadaky iň uly polat gaýtadan işleýän kompaniýalarynyň biri we “Mite Investment Group” kompaniýasynyň uzak möhletli müşderisi bolan Italiýanyň “Marcegalia” kompaniýasy alternatiw üpjünçilik üçin bäsleşmeli bolýan kompaniýalaryň biridir. Kompaniýanyň tekiz polat billetleriniň ortaça 60-70 göterimi aslynda Ukrainadan import edilýärdi.
“(Pudakda) diýen ýaly howsala bar” diýip, kompaniýanyň baş direktory Antonio Marsegaliýa aýtdy. “Çig mallaryň köpüsini tapmak kyn”.
Hasabatda aýdylyşy ýaly, ilkinji üpjünçilik aladalaryna garamazdan, “Marcegalia” Aziýada, Ýaponiýada we Awstraliýada alternatiw çeşmeleri tapdy we önümçilik onuň ähli zawodlarynda dowam etdi.
Ýerleşdirilen wagty: 2022-nji ýylyň 17-nji maýy